Арез йылпумъяса

Со знаклы кузё луо 14-21 аресъем пиналъёс, егитъёс – дышетсконын, спортын, культураын, искусство ӧрын, научно-технической но мерлыко ужын, художественной творчествоын усто быгатонлыкъёссэс возьматэмъёс.

«Патриотическая деятельность» номинациын висъяськиз Вуж Шагиртысь школаын 8-тӥ классын дышетскись Арина Артемьева: солы «ЮНАРМИЯ» быдэсросси военно-патриотической огазеяськонлэн «Юнармейская доблесть» III степенё знакез - ведомственной данъет – сётэмын. Нош «Физическая культура и спорт» номинацилы кузё луиз Бадӟым Гондырысь школаын дышетскем Дарья Шарапова. Али со Пермьысь национальной исследовательской кун университетын 1-тӥ курсын дышетске. Дарья – ПФО-лэн пневматической пистолетэн ыбылӥськонъя чемпионэз, ыбылӥськонъя Россилэн кубокезлэн бронзовой призёрез, Россиысь спортъя мастер.

Нылъёсты Куеда округ администрациен кивалтӥсь Флорид Бадртдинов ӟечкылаз.

Фото: соцсети Флорид Бадртдинов