Татышлы ёросысь нылъёс но пиос волейболэн шудӥзы

Витетӥ толсуре нылъёс шудӥзы. Отчы вить школаысь нылъёслэн командазы пыриськиз. «Ӵошатскон ӟырдыт луиз. Нылъёс зол шудӥзы», - верало сое радъясьёс.

Выль Татышлыысь полилингвальной школаысь нылъёслэн командазы выльысь возьматӥз: ёросын волейбол площадкаын солы вуисьёс ӧвӧл. Таяз радэ но нылъёс нырысетӥ интыын луизы. Вормись командаез ӵошатсконэ тренерзы А. Г. Зайноков дасяз. Кыкетӥ интые потӥз Вылысь Татышлыысь Гали Сокорой нимо гимназиысь команда (тренерез А. Р. Байситов). Куинетӥе потӥзы Вуж Курдымысь А. Атнабаев нимо школаысь нылъёс (тренерзы И. М. Сулейманов).

Волейбол площадкаын усто шудӥсьёс пӧлысь Выль Татышлы школаысь Яна Хасаняноваез но данъязы.

Туннэ, куатетӥ толсуре, пиос кужымзэс эскеризы. Отын нырысетӥ интые потӥз Выль Татышлыысь команда (тренерез А. И. Сабанчин). Кыкетӥ интыын - Вылысь Татышлыысь Гали Сокорой нимо гимназиысь команда (тренерез А. Р. Байситов), куинетӥ интыын - Вуж Курдымысь А. Атнабаев нимо школаысь пиос (тренерзы И. М. Сулейманов). 

Усто шудӥсьёс пӧлын луиз Выль Татышлы школаысь Илья Баранов. 

Табере Выль Татышлыысь пиос но нылъёс Спартакиадалэн зональной этапаз пыриськозы.