+24 °С
Зоръёслэн
Общество
1 декабрь 2025, 11:15
Бальзюгаос Бадӟым Гондырын ортчем ужрадэ пыриськизы
Шуркынмон толэзьлэн берпуметӥ арнянуналаз Пермь шаерысь Куеда ёросысь удмурт гуртъёсын улӥсьёс «Тол вӧсь» йылол ужрадэ люкасько. Вӧсе котькуд мылкыд карись адями пыриськыны быгатэ. Туэ но отчы трос калык люкаськиз. 2023-тӥ арысен «Тол вӧсь» Пермь шаерлэн «59 фестивалей 59 региона» проектэз улсын ортче. Куриськем ӝук сиемзы бере, калыкез тунсыко ужрадъёс витё. Соос Бадӟым Гондырысь культура юртын, Спортъя юртын радъясько.
Бальзюгаос Бадӟым Гондырын ортчем ужрадэ пыриськизы
Культура юртын «Кибашчиос» площадка ужаз. Отын усточиослэн киужъёсынызы тодматскыны луиз. Отчы, кылсярысь, Янаул ёросысь Шудекысь Ангелина Менгафарова но пыриськиз. Нош тазалыко улонэн эшъяськисьёс «Ашеттуп», «Кужымчиос», «Ӵужонбол» площадкаосын кужымзэс мертазы. Туэ фестивале «Трезвое село» конкурсэ пыриськисьёс, Татышлы ёросысь Бальзюгаын улӥсьёс но, вуылӥзы. «Ӵужонболын» соос вормисе потӥзы. Со сяна, соос учкисьёслы шулдыресь концерт номеръёссэс кузьмазы.
