Бускельёсмы гурт удысын тыршисьёссэс данъязы

Та нуналэ соос ваньзы ӵошен сюлмысь шутэтскыны быгатӥзы. Куеда округын «Мичурина» хозяйство одӥгез кужмоез лыдъяське. Соин  Л. Ф. Самиев кивалтэ. Ужрадын со пудо утисьёсызлы, ю-нянь будэтӥсьёсызлы трос шуныт кылъёссэ вераз. Уго котькуд хозяйстволэн азинсконэз ужась киосын герӟаськемын. Сое  хозяйстволэн азьвыл кивалтӥсез, Куеда муниципал округысь Думалэн депутатэз Е. Г. Марданов но пусйиз. Ужрадын хозяйствоысь устооссэ ужасьёсты нимысьтыз данъязы. Пумиськонэз гуртысь «Пинал сюлэм» но Бикбардаысь «Интрига» ансамбльёс шулдыртӥзы.