Нылпи садын удмурт калык дӥськут сярысь вераськизы

Вашкала калык дӥськут – со огшоры дӥськут ӧвӧл, со бордын история, калыклэн сям-йылолъёсыз, улэм-вылэмез, визьмыз. Вашкала дӥськут пыр калык ӵыжы-выжыоссэ гажамзэ, улонлэсь чеберзэ адӟыны быгатонзэ возьматэ.

Шумпотымон, берло аръёсы анай-атайёс пичи нылпиоссылы но калык дӥськут вурон сярысь сюлмасько. Нылъёс но пиос, соосты дӥсяса, пӧртэм ужрадъёсы пырисько. Туннэ,17-тӥ шуркынмонэ, Татышлы ёросысь Выль Татышлыысь нылпи садэ арлыдо песяйёс вуизы. Соос ваньзы удмурт калык дӥськутэн вал. Пичильтокъёслы соос дэремзы, айшетсы, камзолзы, чеберъяськон арбериоссы сярысь мадизы. Пичиос но та нуналэ калык дӥсьькутъёссэс шумпотыса дӥсязы, куноослы возьматӥзы.

Фото: МБДОУ д/с №5 "Ромашка"