+28 °С
Салкым
Общество
14 ноябрь 2025, 02:20
Музей яркытэсь тодэ ваёнъёс кельтӥз
Вордскем шаерзылэн историеныз тодматскон, сое гажаны но данъяны дышетскон вылысь Янаул ёросысь Вуж Вараш школаын дышетскись нылпиос Янаулысь шаер тодонъя музее экскурсиен вуизы.
Музей яркытэсь тодэ ваёнъёс кельтӥз
Музейын ужасьёс пиналъёсты тунсыко дунее вуттӥзы. Нылпиос, асьсэос но валатэк, 90-тӥ аръёсы вуизы. Кылем даурысь экспонатъёс со вакытысь улонэз яркыт буёлъёсын суредазы. Школаын дышетскисьёс мылысь-кыдысь кылзӥзы экспонатъёслэсь музее вуэм сюрессэс. Асьсэос но юанъёс сётъязы, кельшись макеос сярысь тросгес тодыны тыршизы.
Экскурсизы тунсыко мастер-классэн йылпумъяськиз. Нылпиос синельной проволкалэсь сяськаос лэсьтыны дышетскизы.
Трос выль тодон-валанъёсын пыӵам нуналзы туж ӝог ортчиз. Янаулысь шаер тодонъя музей нылпиослы яркытэсь тодэ ваёнъёс кельтӥз.
Фото: МБОУ СОШ с. Старый Варяш
