+28 °С
Салкым
Общество
14 ноябрь 2025, 09:22
Купченеевоын "Геройлэсь партазэ" усьтӥзы
12-тӥ ноябре Ермекей ёросысь Купченеевоысь культурая центрын мӧз мыт ужрад ортчиз. Та нуналэ отын «Геройлэсь партазэ» усьтӥзы. Со нимысьтыз военной операциын бырем Леонид Александрович Матвеевлы сӥземын.
Купченеевоын "Геройлэсь партазэ" усьтӥзы
Леонид Александрович тушмон пумитэ 2023-тӥ арын коньывуон толэзе султӥз. Геройлы сӥзем парта сьӧры нырысетӥен пуксизы Шаймуратовской классын дышетскисьёс Ангелина Мокеева но Александр Арсланов.
«Геройлэсь партазэ» усьтонэ Суккулово гурт поселениен кивалтӥсь О. М. Никитин, Сукколовоысь школалэн директорез Ф. М. Чулпанова, бырем геройлэн сузэрез Г. А. Христофорова но мукетъёс пыриськизы. Соос веразы, Леонид Александровичлэн нимыз ноку уз вуны, со котьку калык пӧлын улоз, нылпиослы вордскем шаеренызы данъяськон мылкыд пыӵатоз шуыса.
