Дышетскисьёс полицейскойёслэн ужзы сярысь вераськизы

Нылпиосын ӧнеръёс сярысь ӵем вераськиськом. Школаын но та темалы саклык висъяське. Алигес Янаул ёросысь Каймашабашысь 1-тӥ классын дышетскисьёс полицейскойёслэн ужзы сярысь вераськизы. Соос тодӥзы, ку кызьы та ӧнер кылдэм. Кыӵе сямо луоно полициын ужан понна но мукет. Со сяна, пиналъёс кышкытлыкъёс, соослэсь утиськон амалъёс сярысь вераськизы, сюрес вылын ветлон куронъёсты тодазы ваизы.

1-тӥ классын дышетскись кык пиналлэн атайёссы полициын ужало – О. С. Петров но С. В. Мингазиев. Соослэсь туспуктэмъёссэс пиналъёс школаысь директорлэн советникеныз дасям «День полиции» информационной стендысь учкыны быгатӥзы.

Фото:МБОУ ООШ с. Каймашабаш