+28 °С
Салкым
Общество
12 ноябрь 2025, 17:23
Бурдоос одно ик тау карозы
Пислеглэн нуналэз улсын но будӥсь нылпиослы котыр инкуазез гажан мылкыд пыӵатон вылысь Калтасы ёросысь Краснохолмскийысь кыкетӥ номеро школаысь куинетӥ классын дышетскисьёс «Налетайка» тылобурдо кафеез утялтӥзы.
Бурдоос одно ик тау карозы
«Орлята России» огазеяськонэн герӟаськем пиналъёс ӵем гинэ ӟеч ужъёс лэсьтон бордын тыршо. «Налетайка» тылобурдо кафе но соослэн кичӧлтэмзыя кылдӥз. Отчы интыяськем тылобурдо коркаос ноку но мӧзмыса уг уло - бурдоос ӵем гинэ отчы вуыло. Туннэ, 12-тӥ шуркынмонэ, Пислеглэн нуналаз , куинетӥ классын дышетскисьёс тылобурдо коркаосты жуг-жаглэсь утялтӥзы но выль тысьёсын но куасьтэм нянь пырыосын тырмытӥзы. Кезьыт тол куазен бурдоос нылпиослы одно ик тау карозы.
Фото: Наша школа №2
