Сюресъёсты тупатон - сюлмаськытӥсь ужпум

Калык Радий Хабировлы пӧртэм пумо юанъёсын вазиське. Тросэз сюресъёсты лэсьтонэн герӟаськемын.
Бурай ёросысь Тепляки гуртын улӥсьёс но регионэн кивалтӥсьлы ёрос центразы вуттӥсь сюреслэн уродлыкез пумысен видеоюанэн вазиськизы. Бурае мыныкузы Байшады гуртын улӥсьёс но та сюрестӥ ортчоно луо. Та сюрес М-12 трасса ӝутыкузы бадӟымесь машинаос ветлэмен тужгес бырем.

Таӵе ик юанэн вазиськизы Аскино ёросысь Вуж Казанчи гуртын улӥсьёс: Аскино но Татышлы ёросъёсты герӟась сюрес зоро куазь дыръя ортчонтэм луэмын. Сюрес сыӵе луиз М-12 трасса лэсьтыку секыт груз нуллэмен.

Теплякъёслэн но аскиноослэн сюлмаськонзы пумысен, Радий Хабировлэн ӵектэмезъя, республикаысь Транспортъя министерство ужалоз.
Радий Хабировлэн кылъёсызъя, М-12 федерал трассаез лэсьтыку трос сюресъёс быризы, та дыре соосты тупатон борды Росавтодор басьтӥськиз ни. Вуоно арын, республикалэн тӧроезлэн кылъёсызъя, сюрес фондысь коньдонлэн бадӟым люкетэз федерал трасса лэсьтыкузы бырем сюресъёсты лэсьтыны кошкоз.Сюресъёсты тупатозы Бурай, Татышлы, Дюртюли, Илиш ёросъёсын.

Фото:Олег Яровиков / архив ИА «Башинформ».