Башкириын "Герои Башкортостана" программа ужа

Меӵак эфир дыръя фронтысен Радий Хабировлы вазиськиз "Башкортостан" мотострелковой полклэн Алексей Сухоруков нимо реактивной артиллерийской батареяезлэн командирез старший лейтенант Александр Козоногов. Солэн юанэз вылӥын верам программаен герӟаськемын вал. "Боксёр" юаз, СВО-е пыриськисьёслы но ветеранъёслы программа азьланяз но ужалоз-а шуыса.
Башкортостанлэн тӧроезлэн кылъёсызъя, программа азьланяз но ужалоз, отчы пыриськыны быгатозы ож лудысь бертэмъёс.

- Нимысьтыз военной операцие пыриськемъёслы кадровой программалы бадӟым саклык висъяське. Ож лудын луэмъёсты ми управленческой структураосын адӟиськом. Та дыре 70 адями та программая дышетске. Оскисько, соос асьсэлэсь уж интызэс шедьтозы. Программаез азьланьтомы. Тӥ, шаермес утисьёс, улэп, сӧсырмытэк берытске вордскем палъёсады. Ужаны интыянэн ми юрттомы. Тазалыкты пумысен юанъёсын но юрттомы, - вераз Р. Хабиров.