Нылпиос вашкала удмурт дуннее выйизы

Янаул ёросысь Вуж Вараш гуртысь культура юртэ нылпиос ӵем гинэ вуыло. Татын соосты котьку но шумпотыса пумитало.

Та нуналъёсы культура юртлэн одӥгез сэрегез удмурт коркалы пӧрмиз. Озьы культура удысын ужасьёс пиналъёс понна «Жизнь и быт моего народа» уджрадэ дасяськизы. Вашкала дырысен туннэ нуналозь но кутӥськись арбериос, туала улонысь пыраклы кошкем но вунэм тӥрлыкъёс нылпиосты паймытӥзы. Соос котькуд экспонатэз кутыса адӟылӥзы, солэн историеныз тодматскизы. Озьы ик ужрадын нылпиос удмурт калыклэсь сям-йылолъёссэ, лэчыт веранъёссэ, визькылъёссэ тодазы ваизы.