Удмурт кырӟан котыр улосэ вӧлдӥськиз

Бакча емышъёсын, сӥлен но вӧйен вузкарисьёс ёросысь центральной площаде люкаськизы. Ужрад Калыкъёслэн огъя луон нуналзылы сӥземын вал. Ярмаркае вуэм калык понна отын ик бадӟым концерт радъяськиз. Быдэс нунал сямен бигер, башкир, удмурт но ӟуч гуръёс чузъяськизы. Та нуналэ люкаськем калыкез удмурт калыклэн узыр лулчеберетэныз Мамады гуртысь Лилия Атнафикова но Асия Минлиева паймытӥзы. Соослэн шулдыр кырӟанзы удмурт калыкмес но кылмес данъяса котыр улосэ вӧлдӥськиз.

Фото: Мамадинский сельский клуб Бураевского района