Асьсэлэсь лулчеберетсэс утён сярысь сюлмасько

Гуртысь арлыдо песянайёслэн кылъёссыя, удмуртъёс татчы 1953-1956-тӥ аръёсы, целина ӝутон вакытэ, лыктӥллям. Тросэз Калтасы ёросысь вылӥллям, Янаул ёросысь Вуж Вараш палъёс но лыктӥллям. Со дырысен соос асьсэлэсь лулчеберетсэс, калык сям-йылолъёссэс утён сярысь сюлмаськыса уло. Зэм, егитъёс, пиналъёс удмурт кылын уг верасько ни.
Башкортостанысь удмуртъёслэн национально-культурной центрзы 2018-тӥ арын Хайбулла ёросысь Выль Зирган гуртын улӥсь удмуртъёсын пумиськон радъяз. Соку зирганъёслэн малпанзы кылдӥз, удмурт коллектив кылдытоно шуыса. Туннэ гуртысь «Италмас» группаез гуртазы ортчись котькуд ужрадысь пумитаны луэ. Соос нылпиос понна радъям ужрадъёсы но вуыло. Кылсярысь, 1-тӥ ноябре италмасъёс Акъярысь 3-тӥ номеро школаын Калыкъёслэн огкылысь луон нуналзылы сӥзем ужрадэ вуылӥзы, удмурт калыклэсь пӧръёссэ, сиён-юонъёссэ возьматӥзы.

Фото: Новозирганский Сдк