Сӥзьыл каникул нуналъёс яркыт ортчо

Пермь шаерысь Гожан гуртысь нылпиослэн сӥзьыл каникул нуналъёссы шулдыр но яркыт ортчо. Соослэсь шутэтскон вакытсэс пайдаен радъян бордын гуртысьтызы клубын ужасьёс тыршо.

Кылсярысь, та нуналъёсы пиналъёс «Осенний марафон» шудон программае пыриськизы. Ӵошен соос «сӥзьыл нюлэслэн» выжыкыл сюресъёстӥз вамыштӥзы. Конкурслэн «Листопад загадок» этапаз шудонэ пыриськисьёс йыртӥянъёслы валэктон утчазы. Нош «Овощной лабиринт» люкетын нылпиос ӝог но сэзь бызьылыны быгатэмзэс возьматӥзы. «Прорекламируй овощ» творческой конкурс ваньзылэсь мылкыдзэс ӝутӥз. Татын пиналъёс бакча сиёнэз пӧртэм амалъёс пыр вузаны выризы.

Шудон программа каникул нуналъёс сярысь яркыт тодэ ваёнъёс кельтӥз. Нылпиос кӧттырымон серекъязы, йырвизьзэс но сыназы – озьы вакытсэс пайдаен ортчытӥзы.

Фото: Гожансский сельский клуб