Ӵошен лэсьтэм ужъёс калыкез огазеяло

Гурт хозяйство ёросын гинэ ӧвӧл, быдэс республикаын дано луиз. Колхоз вань дыръя Бадӟым Качак но Чиндэр гуртъёс вискы емышъёслэсь сад кылдӥз. Соку эмезьлы, сутэрлы, сьӧдпалэзьлы татчы вуымтэез ӧз луы, дыр. Колхоз, емышъёс вузаса, трос коньдон поттӥз. Огвакытэ гурт хозяйство кужымзэ ыштӥз. Трос аръёс ӵоже калыклэн кужыменыз люкам узырлык ышиз-быриз. Фермаослэн ӧсъёссы пытсаськизы, бусыосын трактор но комбайн куараос чалмизы. Мерттэм садлэн но чеберез бадяръёс, топольёс пӧлы ышиз. Эмезьпуос но сутэрпуос куасьмизы, емышлы ветлӥсьёслэн сюрессы жуг-жаген будӥз. Берло дыре гурт калык емышен узыр садэз тодаз вайыса гинэ вера ке но, татчы адямиос мукет муген вуылыны кутскизы.

(Быдэсак лыдӟе газетлэн 43-тӥ номерысьтыз).