Котырес ӝӧк сьӧрын республикаысь калыкъёс сярысь вераськизы

Со Калыкъёслэн огкылысь луон нуналзылы сӥземын вал. Котырес ӝӧк сьӧрын республикаысь пӧртэм калыкъёслэн лулчеберетсы, осконзы, сям-йылолъёссы сярысь вераськизы. Отын удмурт калыкен, камсьӧр удмуртъёслэн сюлэмез бугыртӥсь кырӟанэнызы тодматӥзы  Татышлы ёросысь Бальзюгаысь Светлана Сабанчина но Динара Шайсламова.  «Таӵе пумиськонъёс калык культураенымы, сям-йылолъёсынымы данъяськон мылкыд пыӵато, эшлыко кусыпъёсты юнмато», - верало соос.

Программаез Калыкъёслэн огкылысь луон нуналзы азьын возьматозы. Со сярысь ватсаса ивортомы на.