Башкортостанысь Калыкъёслэн ассамблеязылэн съездэз ортчиз

Отчы огазеяськонлэн Кенешезлэн ёзчиез Салимьян Гарифуллин но удмуртъёслэн НКЦ-енызы кивалтӥсь Людвиг Зидымаков вуылӥзы. Со сяна, съездлэн ужаз удмурт огазеяськонлэн ёросъёсысь ёзчиосыз онлайн амалэн пыриськизы. Ужрадын республикаысьтымы калыкъёслэн куспазы эшъяськыса улэмзы сярысь вераськизы, пӧртэм ужпумъёсты сэрттӥзы-пертчизы. Съездын тодмо луиз, Башкортостанысь Калыкъёслэн ассамблеязы ужзэ йылпумъялоз шуыса. Со 2023-тӥ арын республикаямы Россиысь Калыкъёслэн ассамблеязылэн ёзэтэз кылдэмен герӟаськемын.