Призывникъёслы ужрад ортчиз

Пиослэн нуналзы Калтасыысь Славая мемориалэ сяськаос пононэн кутскиз. Ужрадэз усьтыса вераськизы Калтасы ёрос администрациен кивалтӥсьлэн социальной ужъёсъя воштӥсез Файруза Гафарова, Янаул но Калтасы ёросъёсысь военкомлэн мобилизационной ужъёсъя юрттӥсез Эдуард Сарбагишев, Краснохолмский гурт поселениысь депутат Алексей Ибаев но мукетъёс. Соос вуоно солдатъёслы ӟеч служба сӥзизы. Собере пиосты историяя но шаертодонъя ёрос музейын экскурсия витиз. Ужрадын пиос спортын кужымзэс но возьматӥзы - ГТО сётӥзы: отжимание, мугорез ӝуткан, пресс, гиря ӝуткан. Прессын вормисе потӥз Ильнар Гараев, 2-тӥ интыын луиз Андрей Апкаримов, куинетӥын - Максим Кандиев. Гиря ӝутканын но Ильнар Гараев кужмо луиз, 2-тӥ но 3-тӥ интыосын - Геннадий Валиуллин но Алексей Шакиров. Турникын ӝуткаськонын но Ильнар Гараевлы вуисьёс ӧз луэ. Кыкетӥ интыын луиз Влад Яндубаев, куинетӥын - Егор Асанов. Отжиманиын висъяськиз Андрей Кумужбаев. Солэсь ӧжытлы бере кылиз Алексей Огуречников. Куинетӥ интылы кузё луиз Никита Мазитов.

Фото: Калтасинская заря - новости района (СМИ)