+28 °С
Салкым
Общество
20 Октябрь 2025, 09:17
Пӧяськисьёслы арлыдоос но, егитъёс но оско
Пӧяськисьёс Башкортостанын улӥсь калыкен «шудонзэс» азинто. Соослы мӧйыос гинэ ӧвӧл, арлыдоос но оско. Республикаысь МВД-лэн ивортэмезъя, адямиос коньдонзэс миллионэн ышто.
Благовар ёросысь 81 аресъем пиосмурт кык но ӝыны миллионлы матэ коньдонзэ ыштӥз. Пӧяськись сое телефоназ кыӵе ке приложение пуктытӥз. Озьы пиосмурт биржевой площадкаын трос коньдон, пе, поттыны быгатоз. Но кылдымтэ вылэм солы капчиен узырмыны. Пиосмурт банк счётысьтыз вань коньдонзэ ыштӥз.
Мукетыз учыр Москаысь егит нылэн. Республикамылэн шор караз сое куное вуэм вылэм. Со пӧяськисьёслы пӧртэм вузкарон юртъёсысь банкоматъёс пыр коньдон келяз. Банкын ужасьёс егит ныллэсь янгышамзэ валазы ке но, сое утьыны ӧз быгатэ. Со коньдонзэ модульной мунчо басьтыны выжтӥсько шуиз угось. Егит ныл пӧяськисьёслы 850 сюрс манет коньдон келяз.
