Шаермес утисьёслы сӥзем ужрад атайёсты но пиосты огазеяз

Отчы ёрос администрациен кивалтӥсь Ильгиз Субушев, Татышлы но Балтач ёросъёсысь военком майор Ансар Арсланов, «Боевое братство» огазеяськонэн кивалтӥсь Фарит Галимов, СВО-ысь ветеран Ильфат Валинуров но мукетъёс пыриськизы. Соос шаермес утисьёслэн радазы султыны дасяськем пиослы ваньзэ умойзэ сӥзизы, нимысьтыз военной операцие пыриськисьёслэн атайёссылы оскымон пиос будэтэмзы понна тау кылъёссэс веразы.

- Армие мынон – со зэмос уж. Оскымон пиос султо шаермес утисьёслэн радазы. Та сюрес тӥледыз кужмогес кароз, асьтэлэн кужымдылы, быгатонлыктылы оскыны, эшлыко кусыпъёсты дунъяны дышетоз, - вераз И. Субушев.

Ильгиз Ахвасович атайёсты «За воспитание образцового военнослужащего Вооружённых Сил Российской Федерации – защитника Отечества и значительный вклад в патриотическое воспитание молодёжи» ёрос администрацилэн Данъян грамотаеныз пусйиз. Со вераз: «Вань атайёслы, кинъёслэн пиоссы кышкатэк тушмон пумитэ султӥзы, пумтэм тау шуисько. Тӥ пиостэс шаерез гажан мылкыд пыӵатыса визьнодамен, ми ужаськом, дышетскиськом, ужрадъёс ортчытъяськом».

Фото: Администрация Балтачевского района