Пӧяськисьёс одӥг нунал куспын ньыль миллион манетлы узырмизы

Соос республикамылэн пӧртэм ёросъёсаз но городъёсаз уло.

Уфаысь 70 аресъем нылкышно пӧяськисьёслы 150 сюрс манетсэ келяз. Сое газовой службаын, Роскомнадзорын но казначействоын ужасьёс жингырто шуыса пӧязы. Нылкышно соослы ватсаса 250 сюрс манет коньдон келясал на, банкын ужасьёс ӧй дугдытысалзы ке.

Шоркарамы улӥсь 74 аресъем нылкышно 500 сюрслы матэ коньдонзэ ыштӥз. Сое посылказэ басьтоно шуыса пӧязы. Стерлитамакысь 77 аресъем пиосмурт тодмотэм адямиослы 2,5 миллион манетлы матэ коньдонзэ келяз. Соин "газовой службаын", "ФСБ-ын" но "Центробанкын" ужасьёс герӟаськизы. Нош Кумертауысь 73 аресъем нылкышноез Росфинмониторингын ужасьёс жингырто шуыса пӧязы. Нылкышно электросчетчиксэ воштон понна 800 сюрс манет коньдон келяз. 

Туспуктэм: ИА "Башинформ"