Фестиваль пичильтокъёсты огинэ люказ

Ужрадэ ёросысь нылпи садъёсы ветлӥсь пичильтокъёс пыриськизы. Соос кырӟанъёс, эктонъёс но кылбуръёс пыр Башкортостан Республикаын улӥсь пӧртэм калыкъёслэсь сям-йылолъёссэс, лулчеберетсэс возьматӥзы. Быдӟым Качакысь пиналъёс люкаськемъёсты удмурт калыклэн чеберлыкеныз тодматӥзы. Нылпиос удмурт эктонэз возьматӥзы, «Изь, изь, нуные» нуны веттан гурез быдэстӥзы.

Фестиваль пичильтокъёслы пӧртэм калыкъёслэн лулчеберетэнызы тодматскыны луонлык сётӥз. Яркыт но пайдаё ужрад пичи нылпиосты ог-огзэс гажаса улыны дышетӥз но эшъяськон мылкыдзэс юнгес пуромытӥз.