Калтасыын Ветеран огазеяськонъёсысь азьветлӥсьёсты данъязы

Та нуналэ ёросысь культура юртэ арлыдоос люкаськизы. Соосты пумитаса но праздникен ӟечкыласа  ёрос администрациен кивалтӥсь С.В. Цедилкин вераськиз. Со ик гурт поселениосысь ветеран огазеяськонъёслэсь тужгес но усто но учкымон уж нуись ёзчиоссэ данъяз. Кылсярысь, Бадӟым Качак гуртысь Ветеранъёслэн кенешенызы кивалтӥсез В. Матзяновез Ветеранъёслэн быдэсросси кенешсылэн почётной знакеныз пусйизы. Нош Бадӟым Туганеевоысь О. Диязовалы Республикаысь ветеранъёслэн огазеяськонзылэсь Тау карон гожтэтсэ сётӥзы. Та гуртысь ик З. Гарееваез «Матери участника СВО» медален пусйизы. Вераны кулэ, кышномуртлэн кык пиосыз та нуналэ нимысьтыз военной операциын тушмонлы пумит нюръясько, асьмелэсь шудо улонмес утё.

Фото: Совет ветеранов Калтасинского района