Арлыдоос клубе люкаськизы

Мӧйыосты сӥлы карыса, соосты гажамзэс веран понна, та нуналэ трос ужрадъёс ортчо.

Татышлы ёросысь Бигиней гуртысь клубын ужась Анна Тарханова «День добра и уважения» ужрад дасяз. Отчы Бигинейын, Утар-Елгаын улӥсь арлыдоос пыриськизы. Соосты ӟечкыланы вуиз Улысь Балтач сельсовет гурт поселениен кивалтӥсь Эдуард Рахимзянов.

Ужрадэ лыктэмъёс дырзэс шулдыр ортчытӥзы, сюлмысь вераськизы, конкурсъёсы но шудонъёсы пыриськизы. Пумиськонлы задор мылкыд ватсаз Вылысь Балтачысь «Тыр толэзь» ансамбль. Соослэн концерт программазы туж шулдыр пӧрмиз.

Фото: СК д.Бигинеево