Егит дышетӥсьёслы грант сётӥзы

Конкурсэ нылпиосын кык ар ужам егит дышетӥсьёс (воспитательёс, дышетӥсьёс-психологъёс, дышетӥсьёс-логопедъёс но мукетъёс) пыриськыны быгато. Грантлэн быдӟалаез 575 сюрс манет. Та нуналъёсы таиз ар понна грант басьтӥсьёслэн нимъёссы тодмо луизы. Конкурсэ сизьым городысь но 33 ёросысь 144 заявка вуэмын вал. Со пӧлысь 138 дышетӥсьлы кыкетӥ этапын быгатонлыксэ возьматыны луонлык сётӥзы. Конкурсын 50 адями вормисе потӥз. Соос пӧлын луизы воспитательёс, физической культурая инструктор, крезьгуръя кивалтӥсьёс, дышетӥсьёс-логопедъёс.