"КУ!ЕДА" фестиваль калыкез люказ

Та нуналэ мылкыд карисьёс асьсэлэн будэтэм бакча емышъёсынызы вузкарыны быгатӥзы. Нош кин пайдаё сиён-юонэз яратэ, соосты мылысь-кыдысь басьтылӥзы. Озьы ик фестивале трос крезьгур коллективъёс пыриськизы. Кырӟаны-эктыны яратӥсьёс люкаськем калыклэсь мылкыдзэс ӝутӥзы но «КУ!ЕДА» фестивальлы аспӧртэмлыко шӧм пыртӥзы.

Шулдыр ужрадын удмурт гуръёс но чузъяськизы. Куеда ёросысь удмурт коллективъёс калыкмылэсь лулчеберетсэ но устолыксэ фестивальын паськыт возьматӥзы. Удмуртъёс ужрадын кырӟам-эктэмзылэсь сяна, мастер классъёс но возьматӥзы. Кылсярысь, Гожанысь кышномуртъёс спринг-артъя мастер-класс ортчытӥзы. Калыклы ужзы кельшиз, малкыд карисьёс  асьсэос но спринг-артын быгатэмзэс эскеризы.

Бадӟым Гондырысь культура юртын ужасьёс «ГиганТыква» но «Модная гусыня» конкурсъёс ортчытӥзы. Ярмаркае пыриськисьёс кельшись каун понна куаразэс сётӥзы, озьы конкурслы вормисез бырйизы. «ГиганТыква» но «Модная гусыня» кужым мертан ужрадъёсын Физа Гарифуллина нырысетӥ интыослы кузё луиз.

Вуж Шагиртысь  «Рябинушка» ансамбль фестивальлэн «Патриотическая аллея» площадкаяз ужаз. Соос Быдӟым Атыкай ожлы сӥзем кырӟанъёсты быдэсъязы. Ужрадэ люкаськем калык но соосын ӵош кырӟаз. Угось синвуэм пыӵам гуръёс али но калык пӧлын уло, чуръёссы сюлэме пыӵало.

Фестиваль калыклы капчи мылкыд кузьмаз. Кин ке татын будэтэм емышезлэсь коньдон поттӥзЁ нош кин ке шумпотонэн сюлэмзэ тырмытӥз.

Фото: Большегондырский Дом Культуры. ОО "НКЦУ" ПК, Гожанский сельский клуб, Старошагиртский дом культуры