Сӥзьыл емышъёслэн праздниксы ортчиз

Туннэ, 14-тӥ куарусёнэ, Пермь шаерысь Куеда ёросысь Бадӟым Гондырын «Праздник урожая» ужрад ортчиз. Татысь культура юртын ужасьёслы удалтэм емышъёслы сӥзем шулдыръяськонэз радъяны волонтёръёслэн «Бумеранг» отрядзы юрттӥз.

Та нуналэ ужрадэ люкаськемъёс «Урожайный квест» шудонэ пыриськизы, «Самая лучшая композиция из цветов», «Самая лучшая композиция из овощей» конкурсъёсын кужымзэс мертазы.

Праздниклэн йылпумъянъёсызъя, сяськаослэсь тужгес чебер но аспӧртэмлыко композиция карисьёс пӧлын Серафима Фархутдиновалэн ужез нырысетӥ интые потӥз. Кыкетӥ но куинетӥ интыосты Полина Шарипова но Азамат Нуртдинов люкизы.

Ярослав Шагиевлэн бакча емышъёслэсь лэсьтэм композициез тужгес но усто луиз но нырысетӥ интыен кузёяськиз. Нош Элина Гайоловалэсь но Амелия Гафетиновалэсь тыршемзэс кыкетӥ но куинетӥ интыосын пусйизы.

Фото: Большегондырский Дом Культуры. ОО «НКЦУ» ПК