Россия Федерацилэсь Геройзэ буре вайыса ӵошатскизы

Янаул ёросын Россия Федерацилэсь Геройзэ Игорь Леонидович Насибуллинэз буре вайыса кросс ортчиз. Туэ со капчи атлетикаен эшъяськисьёсты куинетӥ ползэ пумитаз.

Нырысетӥез таӵе ӵошатскон 2023-тӥ арын ортчиз. Табере со ӟеч йылоллы пӧрмиз ни. Туэ стартэ пӧртэм городъёсысь но ёросъёсысь 120 спортсмен султӥз. Соослы, арессэс учкыса, 500 метрысен куать иськемозь сюресэз ортчоно луиз. Ужрадын дуно куноос вал Геройлэн анай-атаез – Леонид Гыльмиярович но Роза Хабибзяновна. Вераны кулэ, Роза Хабибзяновна но ачиз но стартэ потӥз. Аслаз аресъёсыз пӧлын со финише нырысетӥ вуиз. Насибуллинъёслэн семьязылы, ӵошатсконэ пыриськисьёслы трос шуныт кылъёссэ вераз Янаул ёрос администрациен кивалтӥсь Салават Гильмиев.

Ӵошатсконын вормисьёс грамотаосын, медальёсын о сертификатъёсын пусъемын.

Туспуктэм: МАУ ДО СШ "Юность" г.Янаул