Йошкар-Олаын Россиысь Финн-угор-калыкъёслэн форумзы ортче

Таиз арысь пумиськон егитъёслы сӥземын. Отын финн-угор калыкъёслэсь кылзэс, лулчеберетсэс, сям-йылолъёссэс утён но азинтон сярысь верасько. Форуме вуэм калыкез пумитаса  Россиысь АФУН-лэн кивалтӥсез Пётр Тултаев вераськиз. Со сяна, Россилэн Президентэз Владимир Путин но финн-угор калыклы шуныт кылъёссэ келяз. Форуме Башкортостанысь делегация но пыриське. Соос пӧлын ужа Калтасы ёросысь Качкинтурайысь шаплы удмурт пи Данила Ахметшин.

Нош ӵуказе Россиысь финн-угор калыкъёслэн ӧтчамзы ужаны кутскоз. Отчы Башкортостанысь удмуртъёслэн национально-культурной центренызы кивалтӥсь Людвиг Зидымаков но пыриськоз.