«Патриот» паркын «Территория героев» слёт ортчиз

Слётын мастер-классъёс, интерактивной ужрадъёс, пӧртэм кенешонъёс луизы. «Тӥ – вуоно воргоронъёс, кужмо пиналъёс. Соин ик ми тӥледыз «Патриот» парке вазимы, - вераз Радий Хабиров. – Парк Россиысь Геройлэсь, асьмелэн улосчимылэсь Максим Серафимовлэсь нимзэ нуллэ. Тодӥсько, тӥ пӧлысь но кинъёслэн ке матысьёссы нимысьтыз военной операцие пырисько. Соослы ми котьку юрттыны тыршомы. Со сяна, тӥляд анай-атайёсты но зэмос геройёс луо. Соос котьку тӥледын артэ вамышто, шуг-секытъёсты вормыны юртто». Берло Радий Хабиров нылпиослэн юанъёссылы валэктонъёс сётӥз.

Слётэ республикаысь удмурт гуртъёсысь пиналъёс но пыриськизы. Соос пӧлын, кылсярысь, луизы Бурай ёросысь Алтауысь Руслан Латыпов но Татышлы ёросысь Улысь Балтачысь Ян Зидымаков.