Екатеринбургын устооссэ сюрес ужасьёсты бырйизы

Туэ отчы Россиысь, Беларуссиысь, Казахстанысь но Китайысь 39 команда (180-лэсь трос механизаторъёс) пыриськиз. Соосты пумитаса Росавтодорлэн кивалтӥсез Роман Новиков, Свердловск улосвыллэн губернаторезлэсь ужзэ быдэсъясь Денис Паслер вераськизы. Со сяна, видео-конференц амалэн шуныт кылъёссэ вуттӥз РФ-ысь правительстволэн тӧроезлэн воштӥсез Марат Хуснуллин.

Конкурс «Молодые специалисты» но «Профессионалы» категориослы люкемын. Отчы грейдерен, автокранэн, коммунально-дорожной машинаен, фронтальной погрузчикен, экскаваторен но бульдозерен ужасьёс пырисько. «Автогрейдер» дисциплинаын туэ Ермекей ёросысь Купченеевоысь Артём Матвеев кужымзэ эскериз. Со «Автодор» строительной компанилэсь данзэ утиз. Вераны кулэ, Артём Николаевич понна та конкурс выль ӧвӧл. Со кылем арын Тверь улосвылысь но нырысетӥ интыен бертӥз. Соин кивалтӥсьёсыз, ужъя эшъёсыз туэ но вормонэзлы оскизы. А. Матвеев осконзэс быдэстӥз. 

Пыр-почгес лыдӟе газетмылэн вуоно номерысьтыз.