+22 °С
Зоръёслэн
Общество
9 Куарусён 2025, 11:30
Хозяйствоын ужаны ӟеч луонлыкъёс кылдытэмын
Башкортостан Республикаын гурт хозяйствоез азинтонлы бадӟым саклык висъяське. Туннэ нуналэ фермеръёс пӧртэм грантъёсын, субсидиосын но нимысьтыз льготаосын пайдаяськыны быгато. Озьы регионын выль ужан интыос кылдо, уждунзылэн быдӟалаез но шӧдскымон йылэ.
Хозяйствоын ужаны ӟеч луонлыкъёс кылдытэмын
Калтасы ёросын «Победа» ООО ужзэ 2019-тӥ арысен азинтэ. Со арын ик Качкинтурай гурт вӧзы интыяськем мегафермае нырысьсэ Даниысь скалъёсты ваизы. Со дырысен пудо вордон комплекс паськытаз, пудооссылэн лыдзы но трослы будӥз.
Туннэ нуналэ «Победа» ООО-ын 4100 сюро пудо лыдъяське, со пӧлысь 2000-эз - кысконо скалъёс. Кылем арен ӵошатыса, пудоослэн лыдзы 1000-лы йылэмын.
- Милям комплекс республикаысь тужгес бадӟым хозяйствоос пӧлы пыре, - вера мегафермаен кивалтӥсь Григорий Лапин. – Таин гинэ дугдыны ум малпаське, азьпалан пудоослэсь лыдзэс будэтыса, выль ужан интыос кылдытомы. Туннэ нуналэ но ужасьёсты шумпотыса возьмаськом. Угось туэ 480 йыр пудолы нимысьтыз корпус но 400 йыр пудолы куинь фидлот ӝутӥмы. Соин 20-25 кузя ужасьёсты ватсаса басьтыны быгатӥськом.
(Быдэс материалэз газетлэн 33-тӥ номерысьтыз лыдӟыны быгатоды).
Венера ИЛЬБАЕВА.
