Нюлэскын сак луоно

Пӧсьтолэзе нылы эшъёсыныз Иремель гурезе мынӥз. Егитъёсты Челябинск улосвылысь Тюлюк гурт пумитам. Гуртлэсь палэнэгес кариськыса, соос палаткаос пуктӥллям. «Иремель вӧзы ӝытпал вуим. Соин гурезе тубонмы ӵуказелы кылиз. Кин машинаяз изьыны интыяськиз, кин - палаткае», - вера нылы.

Ӵукна султыса соос валаллям, кин ке но «куное» лыктылэм шуыса. Жуг-жаген мешоксы бекыръямын, эшсылэн пыдкутчанэз но интыяз вылымтэ. «Малпамы, пуны ветлэм, дыр, шуыса. Малы ке шуоно палаткаосмы вӧзын одӥг пуны калгиз», - вера Альбина. Нош огдыре соос матэктӥсь пӧшурез синйылтӥллям. Со вылэм кион. «Ӝог гинэ машинае пуксим. Мон туж кышкай, ма карыны ум тодӥське. Яра со калгись пуны вань вал. Со ик кышкатӥз витьымтэ «куноез», - вера нылы.

Соин кырын сак луоно. Ӧтьымтэ «куно» тазалыклы но, улонлы но кышкытлык вайыны быгатэ.

Ма кароно тэльын кионэз пумитаку?

- Пӧйшурлы тыбырез кароно ӧвӧл.

- Кионлэн синъёсаз учконо ӧвӧл.

- Юн-юн кесяськоно.

- Каллен берлань чигнано, мыкыръяськоно ӧвӧл.

- Вань ке, кияд боды, писпу вай кутоно. Пӧшурез кышкатыны выроно.