+28 °С
Салкым
Общество
4 Куарусён 2025, 17:43
Синвуос куасьмемын ӧвӧл на
21 ар талэсь азьвыл нырысетӥ куарусёнэ Бесланын тужгес но кышкыт теракт луиз. Куинь нунал ӵоже террористъёс 1128 адямиосты пытсэтын возизы. 314 адями отысь потыны ӧз быгаты ни, кулэмъёс пӧлын 186-ез нылпиос вал.
Синвуос куасьмемын ӧвӧл на
Шумпотыса школае вуэм нылпиос, соослэн анай-атайёссы, дышетӥсьёс, террористъёслэн ки улазы шедьыса, улонэнызы пыраклы люкиськизы. Соослэн нимъёссы пыраклы историе кылемын. Аръёс ортчыса но синвуос куасьмемын ӧвӧл на. Котькуд ар, та кышкыт нуналэз тодэ вайыса, школаосын но культура юртъёсын нимысьтыз ужрадъёс, вераськонъёс ортчо. Кылсярысь, туэ Пермь шаерысь Вуж Шагиртысь культура юртын ужасьёс нылпиос понна «Беслан. Память» тодэ ваён час ортчытӥзы. Ужрадэз радъясьёс люкаськем пиналъёслы террористъёслэн кышкыт ужъёссы сярысь веразы. Соослэсь утиськон амалъёсты ӵошен эскеризы.
Фото: Старошагиртский дом культуры
