Инбаммы сайкыт, улонмы шыпыт мед луоз

Соку нырысетӥ куарусёнэ Бесланысь нырысетӥ номеро школаез террористъёс киултӥзы. Тушмон ки улэ сюрслэсь трос адями шедиз. Соос пӧлын тросэз нылпиос луизы. Номырин янгыш луымтэ адямиос куинь сутка ӵоже пытсэтын улӥзы. Тушмонэн киултэм дышетон юртэз мозмытыкузы, тросэз бырыны шедизы. Соос пӧлын 186-ез нылпиос луизы. Нош 783 адями сӧсырмиз. 2024-тӥ арын Москваысь «Крокус Сити Холл» концерт залын теракт луиз. Отын тушмон ки улын 145-лэсь трос адямилэн улонэз чигиз, 500-лэсь тросэз сӧсырмизы.
Россиын кышкытлыкъёслэсь утиськон понна трос ужъёс нуисько. Россиысь ФСБ-лэн директорезлэн Александр Бортниковлэн верамезъя, таиз арысь тямыс толэзь куспын Россиын 172 теракт дугдытэмын. Азьвыл аръёсын ӵошатыса, со сизьым поллы тросгес луэ.
Та нуналъёсы шаерысьтымы школаосын, библиотекаосын трос ужрадъёс ортчо. Соос терактын быремъёсты буре ваёнлы, кышкытлыкъёслэсь утиськонлы сӥземын луо.