Фестивальын удмурт сям-йылолъёсты возьматӥзы

Туэ Коми-Пермяк округ 100 ар тырмон юбилейзэ пусъе. Та лыдпус улсын 2025-тӥ ар Пермь шаерын коми-пермяк кыллэн ареныз ялэмын.

Кылем арняын Пермь городын «Дикоросы» гастрофестиваль ортчиз. Ужрадэ куинь сюрслэсь трос адями пыриськиз. Коми-пермяк калык сиён-юонъёсын 15 метръем ӝӧк фестивальлэсь аспӧртэмлыксэ возьматӥз. Озьы ик ужрадын Пермь но Кудымкар городъёсысь тодмо шеф-поваръёс асьсэлэсь пӧрамъёссэс возьматӥзы.

Фестивале Куеда ёросысь Бадӟым Гондырысь «Тюрагай» ансамбль пыриськиз. Соос ужрадын удмурт калыклэсь сям-йылолъёссэ, лулчеберетсэ, сиён-юонъёссэ возьматӥзы, удмурт сиёнъёсты пӧранъя мастер-класс ортчытӥзы.

Фото: Большегондырский Дом Культуры. ОО «НКЦУ» ПК