Выль Татышлыын батыръёс ӵошатскизы

Соос пӧлысь одӥгез тунсыкоез луиз «Удмурт батыръёс» конкурс. Отчы вить команда пыриськиз: Выль Татышлы, Курдым, Улысь Балтач, Шулган гурт поселениосысь, бускель Куеда ёросысь Бадӟым Гондырысь. Конкурсэз радъясьёс пиосмуртъёс понна трос пӧртэм эскеронъёс малпаллям. Соос капчиесь ке но ӧй вал, учкисьёс понна тунсыко луизы. Командаос но кужымзыя огвыллемгес адскизы. Татын вормисе потӥз Выль Татышлыысь команда. Со понна Бальзюгаысь – Татышлы ёросысь сазь гуртысь -  пиосмуртъёс шудӥзы. Кыкетӥ интыын луизы Куеда ёросысь куноос, куинетӥын – Улысь Балтачысь команда.