+28 °С
Салкым
Общество
27 августэ 2025, 07:20
«Удмурт» эшъёссэ быронлэсь утиз
«Ноку ӧм малпаське, туала вакытэ пиос, атайёс, агай-вынъёс тушмон пумитэ султыса, ожмаськоно луозы шуыса. Пие ӵемысь передовое пота. Соин нуналлы быдэ вераськеммы уг луы», - шуэ Татышлы ёросысь Вылысь Балтачысь Клавдия Шагиева.
Александр Шагиев нимысьтыз военной операцие кылем арысен, куарусён толэзьысен, пыриське. «Удмурт» позывноен ожгарчи мотострелковой ротаысь мотострелковой взводлэн мотострелковой ёзэтэзлэн командирез луэ. Младший сержант ассэ котьма ласянь учкымон возьматэ, кышкасьтэм луэменыз висъяське.
Александр Шагиев пичиысен кышкасьтэм луиз. Школаын дышетскыкуз спортлы трос саклык висъяз. Кышкытлыкъёслы сётскисьтэм улосчимы табере вордскем шаермес тушмонъёслэсь уте, асьмелэн шудо улонмы понна ожмаське. Сыӵе адямиос луэмен, туннэ нуналэ шыпытлыкын шудо улӥськом.
(Быдэсак лыдӟе газетлэн 34-тӥ номерысьтыз).
