Лулчеберет дунее паськыт сюрес усьтӥськиз

Москваысь М. С. Щепкин нимо вылӥ театр училищеын (институтын) туэ 17 удмурт егитъёс дышетскозы. Соос удмурт йӧскалык студиын тодон-валан люкалозы но быгатонлыкъёссэс азинтозы. Отчы дышетскыны пырон понна экзаменъёс пӧсьтолэзь кутсконын Ижевскын радъязы. Конкурсэ 20-лэсь трос адями пыриськиз. Удмурт Элькунысь егитъёсын ӵош отын вормисьёс пӧлын луиз Янаулысь Игорь Хазипов но.

Вуоно артист котыр ласянь азинскыны тырше. Со ӟуч кылын чебер кылбуръёс но гожъя. Кылем арын, кылсярысь, кылбур учкытэк верасьёс пӧлын радъяськись «Территория вдохновения» конкурсэ пыриськиз. Отын тодмо ӟуч кылбурчилэсь Сергей Есенинлэсь кылбурзэ лыдӟоно вал. Игорьлы удалтӥз: со «За Россию» номинациын нырысетӥ интыын луиз, «Все начинается с любви» номинациын – кыкетӥ. Таӵе быгатонлыкъёсыз солы кулэ луизы М. С. Щепкин нимо вылӥ театр училищее (институтэ) экзамен сётыкуз но.

И. Хазипов сярысь пыр-почгес лыдӟыны быгатоды газетмылэн вуоно номерысьтыз.

Автор:Оля Нигаматуллина

Читайте нас

Партнеры