+22 °С
Зоръёслэн
Общество
25 августэ 2025, 13:46
Фестиваль калыкъёслэсь сям-йылолъёссэс азинтӥсь коллективъёсты огинэ люказ
Толон, 24-тӥ гудырикошконэ, Пермь шаерысь Чайковскийын «Спасские напевы» регионъёс куспысь фестиваль радъяськиз. Отчы Вуж Шагиртысь «Инвожо» фольклор ансамбль пыриськиз (кивалтӥсьсы Л.В. Гильзатова).
Фестиваль калыкъёслэсь сям-йылолъёссэс азинтӥсь коллективъёсты огинэ люказ
Калык творчествоя «Спасские напевы» фестиваль-конкурс трос аръёс ӵоже Россиысь калыкъёслэсь сям-йылолъёссэс азинтӥсь коллективъёсты огинэ люка. Туэ но Чайковский городэ трос фольклор ансамбльёс люкаськизы. Куеда ёросысь Вуж Шагиртысь кырӟаны но эктыны яратӥсьёс фестивале вуэм куноосты удмурт лулчеберетэн тодматӥзы, асьсэды синмаськымон возьматӥзы.
Фото: Старошагиртский дом культуры
