Урам праздник калыкез огинэ люказ

Калтасы ёросысь Чиндэр гуртысь калык ӵошен улыны быгатэменыз ушъяськымон луэ. Угось татын вань ужъёс огинэ люкаськыса лэсьтӥсько. Шутэтскон ужрадъёсы но чиндэръёс мылысь-кыдысь пырисько. Кылсярысь, та нуналъёсы Чиндэрын «Здравствуйте, односельчане» урам праздник ортчиз. Калык ужрадэз ачиз радъяз. Пӧртэм шудонъёсын, конкурсъёсын тырмемын вал шутэтскон ӝыт. Гуртын улӥсьёс мылкыдзэс усьтыса, жадемзэс вунэтыса, ог-огенызы вераськыса но серекъяса праздниксэс шулдыртӥзы.

Фото: Малокачаковский СК