Башкириын сиён-юон поттон азинске

Нырысетӥ паларын 113 млрд манет тыр 1,4 млн тонна сиён-юон  поттэмын. Кылем арысь та дырен ӵошатыса, лыдпус 33 процентлы тросгес.

- Та лыдпус - кӧня ке ар ӵоже пыр-поч тыршемлэн емышез, - вера БР-ысь правительстволэн вице-премьерез – регионысь гурт хозяйствоя министр Ильшат Фазрахманов. – 2022-тӥ арысен кутскыса, республикаын пищевой но перерабатывающей промышленностез азинтон бордын ужамы. Ужан тӥрлык басьтыны республика бюджетысь огъя 250 млн манет висъяськиз. Со коньдон юрттӥз сюлэсь трос предприятиослэсь ужан амалъёссэс ӟечомытыны.