Башкортостанысь нылпиос "Шундыкар" лагерьын шутэтскозы

Шумпотоно, лагерьын Башкортостанысь но трос пиналъёс шутэтскозы. Кылсярысь «Блогинг» ӧрын вормисьёс пӧлы шедизы Татышлы ёросысь Выль Татышлы школаын дышетскись Яна Хасанянова но Вылысь Татышлыысь кыкетӥ номеро школаысь Аделия Нигаматуллина. Башкир удмурт пиналъёслы узыр луиз «Театр» ӧр. Татын быгатонлыксэс волятозы Выль Татышлы школаысь Эмиль Самигулов, Вылысь Татышлыысь Г. Сокорой нимо гимназиын дышетскись Альвина Юминская но Янаул ёросысь Каймашабаш школаысь Дарина Петрова.

Пиналъёс лагерь улонэз веръямын ни. Пӧлазы «Усточикар» пыр потэмъёс но вань угось. Нош «Шундыкар» нылпиослы дышетскон ар кутсконын тодон-валан дуннее вамыштыны выль кужым сётоз.