Нылпиослы шутэтскыны Башкириын ӟеч луонлыкъёс кылдытэмын

Республикаысь Дышетонъя министерствоын ивортэмзыя, туэ гужем каникулъёс дыръя лагерьёсын огъя 500 сюрслэсь ятыр нылпиослы шутэтскыны луонлыкъёс кылдытэмын.

Берло аръёсы гужем лагерьын шутэтскыны мылкыд карисьёслэн лыдзы трослы йылӥз. Соин нылпиослы лагерьёс но тросгес луизы: 2021-тӥ арысен кутскыса, 437 лагерь ӧсъёссэ усьтӥз. Та дыре регионын ваньзэ 1899 лагерь лыдъяське. Быдэс ар ужась лагерьёслэн но лыдзы 29-ысен 51-озь будӥз.

Пусъёно, гужем шутэтскон но тазалыкез кыдатон кампаниез радъяку, лагерьёсын туала улонлэн куронъёсызъя шутэтскон радъянлы саклык висъяське. Берлось кык ар куспын 11 модульной корпусъёс ӝутэмын, вуоно арын кык лагерьын тупатон ужъёс лэсьтыны но куинь модульной корпусъёс ӝутыны чакламын. Та ужъёслы огъя 200 млн манет коньдон висъямын.  

- Нылпиослэн шутэтскемзы тодазы кыльымон мед луоз. Соосты визьноданын валтӥсь интыын мед луоз вордскем шаерез гажан, соин дангъяськон мылкыд пыӵатон, - вера республикалэн тӧроез Радий Хабиров.  

Башкортостанысь лагерьёсын Луганскысь, Донецскысь нылпиос понна но шутэтскон радъямын. Отысь вуэм 600-лэсь трос нылпиос туэ регионысьтымы лагерьёсын тазалыксэс юнматӥзы. Со сяна, лагерьёсын дун тырытэк шутэтско нимысьтыз военной операцие пыриськисьёслэн нылъёссы но пиоссы.

Фото: Детский лагерь им. Комарова