Удалтэм бакча сиёнъёслы шумпотыса

Вашкала ӵыжы-выжыосмы выль ю тысез шумпотыса октӥзы. Кыкетӥ августын нырысетӥ ю тысьлэсь ӝук пӧзьтыса, нянь пыжыса, пӧрам сиён-юонъёсынызы трос куноосты утялтӥзы. Туннэ нуналозь та йылол возиське на. Калыкмы али но сюлмысь шумпотэ удалтэм ю-няньлы.

Кыкетӥ гудырикошконэ, вуэм бакча сиёнъёсты сӥлы карыса, Татышлы ёросысь Калмиярын «Выль бакча сиёнъёслэн праздниксы» ужрад ортчиз. Отчы «Эшъяськон тугоко» нылкышно клублэн ёзчиосыз пыриськизы. Куноос Бальзюгаысь, Уразгильдыысь, Улысь Балтачысь вуизы. «Удалтэм емышъёс, будосъёс понна туж шумпотӥськом, Инмарлы тау кариськом. Бакчаосамы будэм узырлыкез ӟечен сиыны мед гожтоз», - веразы ужрадэ лыктэмъёс. Соослэн нуналзы шулдыр ортчиз, шудонъёс, конкурсъёс тунсыко пӧрмизы. Тыл вылын пуртыын пӧзем шыд выль кужым сётӥз, нош удмурт кырӟан-крезьгуръёс задор мылкыд кузьмазы.

Фото: Библиотека Села-Старокальмиярово

Автор:Миляуша Булатова

Читайте нас

Партнеры