+28 °С
Салкым
Общество
4 августэ 2025, 16:59
"Уӵы ныл" ансамбль "Выль" празднике вуылӥз
Удмурт Элькунысь Можгаын ӟеч сямлы пӧрмиз ни выль емышлы сӥзем «Выль» шулдыръяськон ортчытон. Ужрад городысь паркын радъяське.
"Уӵы ныл" ансамбль "Выль" празднике вуылӥз
Туэ праздник ужась мушлы но чечылы сӥземын луиз. Паркын чечыез но мукет сиён-юонъёсыз, выль емышез адӟытон-вузкарон радъяськиз. Нош та вакытэ тужгес кужмоосыз батыръёс асьсэлэсь кужымзэс но быгатонлыкъёссэс «Выль кужым-Байге» ӵошатсконын возьматӥзы.
Паркын нылпиослы но егитъёслы шудонъёс но мастер-классъёс, семьяослы ӵошатсконъёс, концертъёс радъямын луизы. Ужрадын Башкортостанысь удмурт калыклэсь шулдыр гуръёссэ Татышлы ёросысь Вязовкаысь «Уӵы ныл» калык ансамбль кисьтӥз.
