Шудо улонзэс кагаз вылэ пыӵатӥзы

Нылпиослэн гужем каникулъёссы яркыт но пайдаен ортчо. Культура удысын ужасьёс соослэсь котькуд нуналзэс тунсыкогес карыны тыршо.

Калтасы ёросысь Чиндэрысь нылпиос понна гуртысьтызы клубзылэн но библиотеказылэн ӧсъёссы котьку усьтэмын. Кылсярысь, та нуналъёсы культорганизатор С.А. Тимирханова но библиотекарь О.В. Тимиртдинова пиналъёсты «Краски лета моей деревни» суредаськон ужрадэ люказы. Нылпиос яркыт буёлъёсын асьсэлэсь шудо улонзэс кагаз вылэ пыӵатӥзы. Суредъёс аспӧртэмесь пӧрмизы. Угось котькудӥз дунне шоры ас синъёсыныз учке, улосэз аспонназ шӧдыса улэ.

Фото: Малокачаковский СК

Автор:Венера Ильбаева

Читайте нас

Партнеры