Арлыдоос мӧзмыса уг уло

Та нуналэ Калтасы ёросысь арлыдоос  Татарстанэ вуизы. Отын соос Елабугалэн чеберлыкеныз но узырлыкеныз тодматскизы. Та выллем экскурсиосы Бадӟым Качакысь арлыдоос но мылысь-кыдысь пырисько. Елабугае мыныны но соос мылкыд каризы. Ваньмыныз ӵош качакъёс «Елабужское городище» историяя но археологияя комплексэз, Елабугалы 1000 ар тырмонлы сӥзем площадез, Ибрагим I бен Мухаммадлэсь памятниксэ адӟизы. Со сяна, экскурсие пыриськисьёс городысь нылкышно монастыре, XIX даурысь Кафедральной Спасской соборе, «Джамиг» мечете но мукет тунсыко интыосы вуизы. Елабугалэн культура удысын висъяськемез пичи ӧвӧл. Сое ваньзэ адӟыны ӧз вуэ ке но, Калтасы ёросысь арлыдоос трос выльзэ тодӥзы.

Фото: Марина Апкаримова