Омыре шудо пичи дырлэн шӧмез пыӵаз

Нылпиос пичиысен Россиысь калыкъёслэсь лулчеберетсэс но сям-йылолъёссэс тодыса мед будозы шуыса, Пермь шаерысь Вуж Шагирт культура юртын ужасьёс «Мы играем и поем, в гости всех к себе зовем» шудон ортчытӥзы. Ужрад ӟуч калыклэн фольклорезлы сӥземын вал.

Шудонэз радъясь Людмила Гильзатова ужрадэ люкаськем нылпиосты вашкала ӟуч шудонъёсын тодматӥз. Со сяна, пиналъёс лыдъяськонъёсты тодазы ваизы, йыртӥянъёслы валэктон утчазы. Озьы ик тунсыко викторинаос но конкурсъёс ужрадлы задор мылкыд сётӥзы. Нылпиос вань шудонъёсы мылысь-кыдысь пыриськизы. Та нуналэ котыр улос нылпи серекъям куараен тырмемын вал. Омыре шудо пичи дырлэн ческыт шӧмез пыӵаз.

Фото: Старошагиртский дом культуры

Автор:Венера Ильбаева

Читайте нас

Партнеры